王晶玩絕交 杜汶澤：「佢份人，我好明，是但啦！」

導演王晶昨日主動與藝人杜汶澤、黃秋生及何韻詩「絕交」，內地網民加入戰場，揶揄王晶「有種刪埋發哥（周潤發）」，令王晶「動真格」爆粗反擊。不過「被絕交」的三人卻顯得毫不在乎，表示「是但啦！」、「好小事啫！」

事緣有七名警務人員涉「濫用私刑」，對一佔中示威人士帶到暗角拳打腳踢，引起全城譁然。不過，一直反佔中的王晶繼續力警隊，在微博表示「人家執行職務，你居然用尿潑人？打死都冇得怨！我覺得打得少！」

之後王晶將行動升級，在微博指要將「漢奸泛民趕出去」，並點名與上述三位藝人「絕交」。有網民看不過眼，留言指摘王晶，包括「又一隻受了好處的共狗」、「有種刪埋發哥聯絡（周潤發曾挺爭取真普選學生）」、「一定唔會買票睇王晶電影」等，令王晶火爆以粗口「回敬」。

「被絕交」的支持佔中演藝界三子，雖被人「點相」，但表現冷靜，亦覺得莫名奇妙，與王晶的「上心」形成對比。

杜汶澤則回應指：「又唔見佢講周潤發？佢份人，我好明，是但啦！哈哈！」

黃秋生回應王晶：祝你一路順風

黃秋生昨晚八點多在facebook回應指：「晶哥，多謝你咁多年咁關照我，估唔到你仲有我電話添，連我取消十年電郵都有，我真係好感動，我咁多年都冇你電話，好慚愧，最後時刻，同你講聲對唔住，祝你一路順風！」

不過，黃秋生亦對王晶的反常行徑感到疑點重重，反問他的微博是否被黑客入侵，認為事有蹊蹺。

何韻詩同樣透過facebook回應：「其實我想話呢…………。我地完全無私交喎，點解會有我電話呢…………。一係就特登問人拎我電話入落電話度再刪走，一係佢就只不過係unfriend左我個經理人。無論如何，估唔到大家咁重視我，多謝賞面thank you very much。」